Des ist (zumindest for mich) a Witz, de was des Lewe gschrieb hat :-)

Ich sin vun de Arweit heim komm un mei Vatter wart schon ganz uffgeregt uff mich. Er saat, mei Kind ich werd verruckt, sowas awwer a was do heit los wor. Ich froh ne glei, was dann passert is.

Also, saat mei Vatter, ich han heit eich all welle iwwerrasche un etwas for eich koche. Ich han mich schon heit frieh an die Arweit gemach. Des Kochbuch vun de Motter han ich dorchgschaut un was leckeres g´fun. Ich lees do immer: man nehme, man nehme, man nehme....

Alles scheen un gut, ich han dann die 278 Seide vun dem Kochbuch dorchgelest awwer meenst Du, dass do irgendwo gstan is vun wo mer des nimmt????!!!!!!!!

:-) ..... vergess ich mei Lewe lang net!

... awwer zu seiner Ehrrettung: mei Vatter hat sehr gut gekocht un wor for jede Bledsinn uffgelegt :-)

De kleen Hansi geht mit seim Vatter uff de Wiese vorbei, wo Päär sin. Do froht de Hansi sei Vatter, was des schwarze do for a Rass is. De Vatter saaht, Hansi des is a Rapp. Na froht des Hansi, un was is des weiße for a Rass? Do saht de Vatter, dass des a Schimml is.

De Hansi schaut sich uff de Wiese um un schreit dann vor lauder Freid: schau mol Vatter, do is a Peerd, des is vorre schimmlich un hinne rapplich.

Geht e Frau in die Apotek un verlangt Gift. De Apoteker froht ganz etsetzt, for was se des dann brauch. Die Frau meint, ich well mei Mann vergifte, weil er fremd geht. Sagt de Apoteker, nee sowas han mer sicher net.

Do zieht die Frau a Foto aus de Handtasch uff welchem ehr Mann mit dem Apoteker seim Weib im Bett is un zeigts dem Apoteker.

Na meint der uff de Stell: G´nä Frau, for was hat der net glei gsaat, dass der a Rezept for des Gift hat? Sicherlich han mir sowas!