gegründet am 13.12.2008

... un mittlerweile sin mir des was unser Name a sagt:

a richtich Schwowefamilie, wie es se in dere Forum mit Sicherheit nor enmol gefft. Mit tausche uns iwwer so vieles aus, quatsche iwwer dies un jenes, teile sozusahn Freid un Leed mitnanner.

Wer zu uns in die "Familie" dezukommt werd herzlichst uffg´hol un mir helfe jedem, dass es sich gut zurechtfind un sich in die Schwowefamilie inlebt.

Wer Lust hat mit uns un bei uns mitzumache, der soll sich bittscheen registriere (selbstverständlich kostelos). Mir freie uns uff Eich!

Es wor damals net nor a Laun,

iwwer die ich heit noch staun,

wie die Idee mich so hat gfange,

a scheenes Forum anzufange.

Ratzfatz wor´s ganz schnell vollbracht,

gebore wors grad iwwer Nacht,

de Name han ich schnell a gfun,

wor ich demit doch sehr verbun.

Familie, des is so bei mir

des einzich wahre Elexier

un weil ich Schwowin a noch sin

tu ich de Name vorne hin.

Schwowefamilie heßt´s sodann,

mer sich gewehne noch net kann,

im Internet noch net bekannt,

als Schweine-Familie gar erkannt.

Ich han gewisst vun Anfang an,

dass mich nix meh halle kann,

zu schaffe des an was ich glaube

und bringe des unner die Haube.

Mei Wunsch is in Erfillung gang,

wann ich a vill vun mir verlang,

un eines is ganz sunneklor,

uns geffts noch in hunnert Johr.

Monika, Du fehlst uns so sehr!

Mir halle zam!

Ihr liewe Freind, des is for Eich

vun mir schon wedder so a Zeich,

weil, wann ich komm amol zur Ruh

ich immer so gern dichte tu.

Bei uns is net wie iwerall

mir sin schon a ganz bsondre Fall,

weil do im Forum ganz ungsteert,

hat sich gfun was zammegheert.

Ob Freid, ob Leid egal was is

Du weest dasst net allenich bist,

mir sin bei Dir und stehn der bei

uns is des a net enerlei.

So is es un so werd´s a immer bleiwe

mir losse uns des net verleide,

un wer uns des do net vergunnt

der soll doch bleiwe bei seim Schund

Mit dem Gedicht well ich eich sage

dass ich eich all im Herze trage,

ich mag eich all so herzlich gere

mei Schwowefamilie, was well mer mehre.

Ich dank eich scheen, dass es eich gibt

un ihr des Forum a so liebt,

ich schwör uf mei Speck, uf jedes Gramm

„die Schwowefamilie halt immer zam!“

Eier

Annelies