Abschied

Mir han so g´hofft un so gebet,

dass Moni des gut iwwersteht,

dass besser werde all die Schmerze,

mir han´s gewinscht vun ganzem Herze.

Drum kenne mer des gar net fasse,

ganz plötzlich hast Du uns verlasse,

oh Moni, fiehlst Du unser Schmerz,

er bohrt sich tief in unser Herz.

Alles scheint jetz still zu stehn,

die Stunde welle net vergehn,

die Welt, sie steht ganz plötzlich still,

weil mer des net begreife will.

Mir siehn dich noch wie´st lustich bist,

die Bilder, die mer nie vergisst,

mit han getanzt un gsung und glacht

mir han die Nacht zum Tach gemach.

Mir siehn dei Kinner, all dei Stolz,

sie sinn wie Du, aus gleichem Holz,

es tut so weh daran zu denke,

wie sie jetz durch des Lewe lenke.

Mir siehn de Ingo in sei´m Schmerz,

der dich geliebt mit all sei´m Herz,

er wollt sei Lewe for dich gewe,

er wollt, dass Du sollst weiterlewe.

In Liebe lass mer dich jetz gehn,

a wann mir des niemols verstehn,

for was des hat so misse komme,

un Du werscht vun uns weggenomme.

Mir werde ewich dich vermisse,

doch sollst Du eens vun uns noch wisse,

sin noch so tief die Abschiedsschmerze,

Du lebst weiter in unsre Herze.

Tief traurich

´s Schwowekind

19. November 2011