Des Gedicht is meiner Freindin Monika gewidmet un ich han´s mit vill Träne un Verzweiflung gschrieb.

Monilein, kämpf weider... Du schaffst des ... ich sin im Gedanke immer bei Dir!

Mei Wunsch zu Weihnachte

(Gedicht vun Anneliese Zagolla)

For mich is es in diesem Johr,

so traurich wie´s noch nie net wor,

ich kennt innerlich verbrenne,

weil mir do net helfe kenne.

A junger Mensch, mitte im Lewe,

führt grad de Kampf um´s iwwerlewe,

a Mutter, mit ne´m gude Herze,

muss erdulde soviel Schmerze.

Ich han noch nie a Wunsch net ghat,

han bisher a net dran geglaabt,

doch so verzweifelt wie ich sin,

mei ganze Hoffnung steckt jetz drin.

Oh Weihnachtsengel, komm zu uns,

schenk uns diesmol all Dei Gunst,

mir bitte dich, loss es doch sein,

dass es weiterlebt unser Monilein.

Es hat doch niemand was gemacht,

hat immer an anre nor gedacht,

for was hat des so misse komme,

for was werd´s uns jetz weggenomme?

Mir all, mir baue jetz uff dich,

dass Du do helfst, ganz inniglich,

mir bete alle ganz im Stille,

das unser Wunsch sich tut erfülle.

Moni, kämpf mit aller Kraft,

dass alles gut werd, Du des schaffst!

Unser Weihnachtsengel is bei dir,

un tut des seine a dafür.