Im Dezember 2008 wore mer in Slovenien, Ljublijana. Mit 8 Persone sin mer uff a Alm in die Berch g´fahr. Mir sin dort herzlich empfang wor, mei Schwager wor mit de Wertsleit gut Freind. Uff eenmol kommt a Kind, angschloss an a Maschin mit lauter Schleich aus de Kich un fangt an uf seiner diatonisch Harmonika zu spiele. De Augenblick vergess ich so lang ich leb net. Ich kann es gar net beschreiwe, wie gerührt ich wor. Ich han in glickliche Kinneraue gschaut un der jung Mann hat soviel Wisse vun de ganz Welt, dass ich nor so gstaunt han. Er well kee Mitleid. An der Maschin hängt er schon sei Lewe lang un des is for ihne net so schlimm, wie mir des all siehn.

Ich denk oft an Jan. Soviel ich weeß, geht es ihm soweit Gott sei Dank gut. Wann es mol wedder meglich is, werd mer ne bsuche un do frei ich mich heit schon droff.

Mei Freind Jan

(Gedicht vum Schwowekind)

Im Lewe han ich mich oft gfroht,

for was des Schicksal ehm so ploht,

die Welt, die scheint mer oft verkehrt,

doch Jan hat besser mich belehrt.

Sei Lewe jung, voll Illusione,

des sin bei ihm nor Infusione,

er weß genau wie´s um ne steht,

un dass sei Lewe schnell vergeht.

Musik des is sei ganzes Lewe

er well de Mensche soviel gewe,

er well erfreie jedes Herz,

un net nor denke an sei Schmerz.

Was han ich g´hat for großes Glick,

un wor´s nor for a Augenblick,

zu schaue in zwo Kinneraue,

voll Zuversicht un Gottvertraue.

Jan, ich sin die großer Fan,

mach wieder so, un blei jo dran,

dass Du des schaffst, des weeß ich gwiss,

weil a ganz besonderer Mensch Du bist.

copyright by Anneliese

Dezember 2008