Ob´s Schicksal des hat vorbestimmt,

wo´s Lewe uf de Welt beginnt,

uf welchem Fleck Du werscht gebor,

wer is verantwortlich defor?

Ich han die Antwort noch net g´fun,

hat wohl mi´m Glauwe was zu tun,

un scheinbar hat´s so misse sin,

dass ich im Banat gebore bin.

Meine Eltre wor´s glei klor,

a Schwowekind is jetz gebor,

die Ahne alle Schwowe ware,

un unser Kind werd´s weider trage.

Des is kee Pflicht un is ke Last,

wann Du die richtich Einstellung hast,

wann mer zu seiner Herkunft steht,

sich net wie die Fahn im Wind rum dreht.

Mer selwer derf sich net verleigne,

un soll´s de ganze Welt stolz zeige,

wo mer gebor is, bleib´s for immer,

des sin mir, die Schwowekinner.

Ich weeß jo net wie alt ich werd,

wie lang ich bleib auf unsrer Erd,

doch eenes weeß ich ganz bestimmt,

ich sin un bleib a Schwowekind.

Copyright by Anneliese Zagolla

Okt. 2011