De Traum vum große Glick

(Gedicht vum Schwowekind)

Wann kommt des Glick a mol zu mir,

un kloppt ganz laut mol an mei Tür?

Mit großem Glick well ich viel mache,

wann´s Geld do is kauf ich mer Sache.

Wer hat an so was net gedenkt?

´s Glick is alles was uns lenkt!

Doch loss uns mol analysiere,

un iwwers Glick mol nochstudiere.

Was is des Glick? Wie merkt mer des?

Kloppt´s an die Tür, dass mer a weeß,

jetz is es do, ´s kommt a zu mir,

des Glick steht jetz vor meiner Tür?

Gefft´s großes Glick? Gefft´s kleenes a?

Wie merkt mer des, wann´s is dann da?

Wann kann ich sage: ich han Glick?

Wann´s weg is, kommt´s noch mol zurick?

Des Glick, des kann mer net ermesse,

es gefft ke Skala des zu messe,

´s Glick han a noch wenich Leit,

weil sie zum glicklich sin bereit.

Des Glick fiehle se jede Tach,

schon morjets wann se werde wach,

mit´m Lächle sie schon daran denke,

wem kann ich heit a Glick noch schenke?

Sie schenken´s dene, die´s vermisse,

und a  ehr Lewe  lang net wisse,

des Glück, des was se gar net sehn,

dass jede Tach se g´sund aufstehn.

Doch ´s greßte Glick in Deinem Lewe,

des kann der niemande jo gewe,

weil wer uf´s große Glick nor späht

es a net merkt, wann´s vor ihm steht.

Copyright by Anneliese Z.