De Schwowe-Judas

(Gedicht vum Schwowekind)

De Schwob hat vill schon mitgemach,

for vill vun uns wor´s so a Sach,

des Lewe wor net selbstbestimmt,

wann mer immer gege de Strom schwimmt.

Doch hat er bewieß, daß es a geht,

wann mer zu seiner Ehr doch steht,

er hat sich g´weigert, hat sich g´wehrt,

wird Tach un Nacht dann obserwehrt.

Der eigne Nachteil wor net wild,

jedoch betroff wor a sei Kind,

die Schul for die se fähig wore,

han for sie gschloss die große Tore. 

Ja, des wore echte Schwowe,

mer muss es sage, wie se wore,

weil ich am eigne Leib des weiß,

bei uns wor a der gleiche Scheiß.

Mei Vatter sagt, mir tun net weiche,

mir sin Schwowe, deitsche Eiche,

die Quittung han mer immer kriegt,

doch niemand hat de Stolz besiegt.

Jetz red´ mer grad mol vun de Annre,

die was als Schwob sich gut tun tarne,

han johelang ehr Volk beloge,

han se verrot, han se betroge.

Charakterschwach tut er sich füge,

tut Vatter un Motter a noch belüge,

die Hauptsach is, ihm geht es gut,

der Arme weeß net was er tut.

Nach außen wore se perfekt,

han sich jo g´hal ganz scheen bedeckt,

die rot Kravattn wor im Schrank,

des wor de kommunistisch Dank.

Vun vorre han se scheen getan,

han sich jo gfiehlt als Schwowetitan,

doch hinnerum han se bericht,

dass du gege des Regim jo bist.

Die Quittung for dich schnell is komm,

un Judas gefft sich jetz ganz fromm,

tut dich noch tröste un belüge,

des kann des gut, er tut nur trüge.

Doch wie des ganze is so komm,

die Felle sin devun ihm gschwomm,

de Judas-Schwob hat´s dann vollbracht,

sich a noch aus´m Staub gemach.

Er denkt a, dass er nie verliert,

hat Hammer und Sichl in sei Hirn tätowiert,

die Iwerzeigung er heit noch hat,

des wor net falsch, wor ke Verrat.

Jeder Schwob der gläubig is,

hat Gottvertraue, des is gwiss,

un werd sich a des seine denke,

er weeß, de Hergott der tut lenke.

De Tach der kommt, is gar net weit,

wo de Verräter es bereut,

wo ihm bewusst wird wie sunstwas,

daß er doch is  a Schwowe-Judas.

Copyright by Anneliese Z.