Geff mer a Antwort

 (Gedicht vun Anneliese Zagolla)



Oh liewer Herrgott, sag´s mer doch,
vor was mei Lewe wor a Ploch.
Du bist mer´s schuldig, daß´t mer´s sagst,
denn Du hast mich auf´d Welt gebracht.

Meine  Kindheit, die  wor wunnerscheen,
des kennt´ so immer weidergehn.
Hast g´schaut, dass mir des Glick an han,
uf´ Deitschland komm sin irgerndwann

Du hat der sicher viel gedenkt,
mei ganzes Lewe hast gelenkt.
Doch well ich jetz a Antwort drauf,
ich hal´ des annerscht nimmer aus.

Des war for mich de schlimmste Tag,
mei Vatter, als im Sterwe lag.
DU warst net do, ich war allein,

mit meinem Schmerz, un meiner Pein.

Un wie´s mol wedder aufwärt´s gang,

mei Motter krank, un a mei Mann.
Doch du hast mitgemischt noch mol,
mei Mann, den hast a zu Dir ghol.

Mei Lewe sich an diesem Tach,
geännert hat sich uf a Schlach.
Ich han´s gewisst, tun ach dran denke,
ich kann nix mache, DU tuscht lenke.

Ja, manchmol han ich es verflucht,
dass DU grad mich hast ausgesucht.
Du tuscht mich quäle, tust mich plage,
wieviel Leid muss ich noch trage??

Doch mittlerweile weiss ich schon,
DU hast jo gar ke Schuld net drann.
Weil ich jetzt wees, es muss so sin,
drum sin ich des, was ich heit bin.

Auch is des jede Tach mir klar,
mei Lewe wunnerscheen a war.
Ich tät´s net gewe for viel Geld,

weil ich sin  gern uf Deiner Welt.

Un dafür dank ich Dir vun Herze,
vergesse werd´ ich all die Schmerze.
Ich dank´ Dir, dass´t an mich gedacht,
mich uf die scheene Welt gebracht.

 

Ich hoff mit großem Gottvertraue,
DU tust a weider uf mich schaue.
Un ich werd´ immer daran denke,

was ich a tu, de Gott tut lenke.

Wann´st Leid verteelst, so bitt ich Dich,

denk net schon wedder glei an mich.

Weil viel hast mer schon zugemut,

muss sin jo irgendwann des gut.

Ich well a net, dass anre leide,

ich wees wie´s is, un tun net neide.

D´rum bitte ich ganz scheen Dich heit,

verteil gerecht, die Freid un´s Leid.

Mir Mensche wisse wie des is,

dass DU gerecht zu jedem bist.

Des Lewe, des  hast DU uns gewe

un nur DU wirst´s  wedder nehme.

Hätt´ noch a große Bitt an Dich,

sei so gut, vergess es nit.

Wann irgendwann Du hast mol Zeit,

grieß´ do owe all mei Leit.

Sag allen da im Himmel drin,

dass ich wieder glücklich bin.

Sag´ ihnen noch, sag´s bittscheen gwiss,

dass ich sie alle sehr vermiss.